Lagundi, tawa-tawa pinag-aaralan na vs COVID-19
MANILA, Philippines — Pinag-aaralan na rin ng Department of Science and Technology (DOST) ang mga benepisyong makukuha sa herbal medicines na lagundi at tawa-tawa bilang posibleng gamot laban sa COVID-19.
Sinabi ni Dr. Jaime Montoya, Executive Director ng DOST-Philippine Council for Health Research and Development (PCHRD), nagsimula nang lumakad ang clinical trials ng bansa para sa naturang mga gamot.
“Output of these studies include clinical data on safety and efficacy against COVID-19 of herbal formulations like lagundi and tawa-tawa which have been reported to have anti-thrombocytopenic, anti-viral, and/or anti-inflmmatory activity,” ani Montoya.
Sa huling datos ng DOST-PCHRD nitong April 23, may 203 indibidwal na sumali sa pag-aaral ng lagundi.
Sa Hulyo naman inaasahang matatapos ang implementasyon ng pag-aaral sa tawa-tawa.
“Results of the projects can determine if lagundi and tawa-tawa can provide symptomatic relief to COVID-19 patients, as this can be added to the current standard of treatment.”
- Latest