Roque nasa ospital dahil sa COVID-19
MANILA, Philippines — Kinumpirma kahapon ni Presidential Spokesperson Harry Roque na naka-confine siya sa ospital dahil sa COVID-19.
Nauna rito, iniulat ng ABS-CBN na nasa Ph-lippine General Hospital (PGH) si Roque.
“I am now admitted in a hospital for Covid treatment,” ani Roque sa inilabas na statement.
Sinabi pa ni Roque na masyadong nakakahawa na ngayon ang COVID-19 kaya dapat mas pag-ibayuhin ang pag-iingat.
Inanunsiyo rin niya na magkakaroon ng Ulat sa Bayan sa Lunes si Pa-ngulong Rodrigo Duterte.
Ang kumpirmasyon ay sa gitna ng pagha-hanap ng mga netizens sa Pangulo kung saan nag-trending pa ang hashtag #NasaanAngPangulo.
Kahit pa nasa ospital, sinabi ni Roque na siya pa rin ang mag-aanunsiyo kung ano ang magiging “risk classification” ng National Capital Region Plus bubble na pinag-usapan kahapon ng Inter-Agency Task Force (IATF) on Emerging Infectious Diseases.
Humiling din si Roque sa mga mamamayan na ipagdasal ang lahat ng may COVID-19 hindi lamang sa bansa kung hindi sa buong mundo.
- Latest