Paghabol ng barko ng China sa Bangka ng Pinas iniimbestigahan na
MANILA, Philippines — Iniimbestigahan na ng gobyerno ang napaulat na paghabol ng isang barko ng China sa isang bangka kung saan lulan ang ilang mangingisda at news crew ng ABS-CBN sa West Philippine Sea.
Ayon sa Department of Foreign Affairs (DFA), kung totoo ang ulat, idudulog nila ang usapin sa China.
Nagpapasalamat din ang departamento na ligtas ang crew ng Filipino vessel.
Hinikayat naman ng DFA ang publiko na magkaroon muna ng koordinasyon sa mga awtoridad ng Pilipinas bago bumisita sa Kalayaan Island Group sa West Philippine Sea.
Ipinaubaya na ng Malacañang kamakalawa sa DFA at sa Department of National Defense ang pagbibigay ng komento hinggil sa isyu.
- Latest