Community service lang sa lalabag sa curfew – DOJ

MANILA, Philippines — Inirerekomenda ng Department of Justice (DOJ) na patawan na lamang ng community services ang mga naarestong lumalabag sa kasagsagan ng enhanced community quarantine (ECQ) sa National Capital Region Plus bubble.

Sinabi ni DOJ Secretary Menardo Guevarra, ito ang naging rekomen­das­yon niya nang ma­ki­pagpulong sa Inter-Agency Task Force (IATF) for Management of Emerging Infectious Diseases.

Magiging magaan  daw ang community services dahil sa maraming mga mamamayan ang hirap kumita bunsod ng kawalan ng trabaho kaysa pagbayarin ang mga violators ng multa.

Umaasa naman ang kalihim na mapapaking­gan ng mga alkalde ang kaniyang rekomendasyon.