Inflation rate bumaba sa 4.5% noong Marso – PSA
MANILA, Philippines — Bahagyang bumaba ang inflation rate o ang pagtaas ng halaga ng mga pangunahing bilihin at serbisyo noong Marso dahil bumagal ang pagkilos ng presyo ng mga food commodities.
Ayon kay Philippine Statistics Authority (PSA) chief at National Statistician Claire Dennis Mapa, ang inflation ay umabot sa 4.5% noong Marso, bahagyang mababa sa 4.7% inflation rate noong Pebrero. Mas mataas naman ito sa 2.5% rate noong March 2020.
“Ang pangunahing dahilan ng pagbaba ng antas ng inflation nitong Marso 2021 ay ang mas mabagal na paggalaw ng presyo ng Food and Non-Alcoholic Bevera-ges,” ayon kay Mapa.
Anya, ang heavy-weighted Food at Non-Alcoholic Beverages index ang naging ugat ng 91.6% pagbaba sa presyo ng pagkain at serbisyo noong Marso.
Ang nagpababa anya ng inflation sa food commodities ay ang bahagyang pagbaba ng galaw sa presyo ng gulay, prutas at isda.
- Latest
