Contact tracing czar Magalong nagpositibo sa COVID-19
MANILA, Philippines — Nagpositibo sa COVID-19 si Baguio City Mayor Benjamin Magalong noong Biyernes Santo.
Sa kanyang pahayag sa social media, inilarawan ng Mayor ang pangyayari bilang matinding dagok sa kanya at kanyang pamilya.
Aniya, hindi dapat ba-lewalain ang kasaluku-yang namamayagpag na pandemya dahil dulot nito ay hindi lamang kahirapan sa pangangatawan at kalusugan kundi hirap na rin sa pag-iisip o katayuang psychological at pinansiyal ng sinumang tatamaan ng virus.
Ayon kay Magalong, dakong alas 4:30 niya natanggap ang resulta ng kanyang RT-PCR Test at agad nitong pinayuhan ang mga nakadaupang palad niya nitong mga nakaraang araw na mag- self-isolate at pakiramdaman ang sarili sa anumang sintomas.
Kabilang sa mga dinaluhang aktibidad ng Alkalde ay ang programa sa pagtatapos ng Montañosa Film Festival sa Baguio Convention Center noong Lunes at pagtanggap ng isang milyong pisong donasyon ng grupo ni Angel Locsin at iba pang artista para sa pagbili ng bakuna laban sa COVID-19.
Dumalo sa pagbigay ng donasyon kay Magalong noong Marso 24 ay isang kinatawan ni Locsin.
- Latest
