Binagyo ni Auring sa Surigao del Norte, tumanggap ng ayuda kay Bong Go
MANILA, Philippines — Tumanggap ng ayuda mula kay Senador Bong Go ang mga binagyo ni Auring sa Surigao del Norte.
Mayroong halos 2,000 residente ng Gigaquit at Tubod na naapektuhan ng pagbaha dulot ng bagyong Auring ang binigyan ng relief items ng outreach team ng Senador sa covered courts ng Barangay Ladgaron, Claver at Barangay Central, Placer.
Bukod sa pagkain, binigyan din ang mga residente doon ng medicine packs, medical-grade masks, at face shields habang sinusunod ang health protocols.
Ilang benepisyaryo ang nabigyan ng sapatos habang ang iba ay binigyan ng bisikleta para magamit sa papgpunta sa trabaho at pagtungo sa ibang lugar at ilang benepisyaryo ay nabigyan ng computer tablets para sa kanilang anak na magagamit sa kanilang blended learning activities.
Nakiisa din ang ibat ibang ahensiya sa iba’t ibang aktibidad na bahagi ng pagsuporta sa ‘build back better’ program sa mga komunidad na sinalanta ng kalamidad.
- Latest