Summer magsisimula na
MANILA, Philippines — Posibleng ideklara na ng PAGASA ang pormal na pagsisimula ng panahon ng tag-init sa bansa.
Kasunod ito ng unti-unting paghina ng Northeast Monsoon o hanging amihan na siyang nagdadala ng malamig na hangin sa Pilipinas.
Sinabi ni Weather Division Chief Dr. Esperanza Cayanan na may mga nakikita nang indikasyon ng paglakas ng easterlies.
Ang easterlies ay ang maalinsangang hangin mula sa Silangan na siyang nagdadala ng mainit na panahon.
Sa pagtaya ng PAGASA, sa Biyernes ay posible nang matapos ang pag-iral ng hanging amihan, na hudyat ng panahon ng tag-init sa buong bansa.
- Latest