Pilipino Star Ngayon: Nangunguna sa liga
MANILA, Philippines — “God first”.
Sa paglipas ng 35 taon, kumolekta na ang Pilipino Star Ngayon ng samu’t- saring parangal buhat sa mga institusyon na kumikilala sa tapat, patas, at disente nitong pagbabalita.
Sa panahon ng pagkalat ng ‘fake news’ ngayong bagong henerasyon ng teknolohiya, muli ay isang parangal ang iginawad sa PSN.
Kinilala ng The Nielsen Co. Consumer and Media View ang Pilipino Star Ngayon na nangunguna sa mga binabasang tabloid sa bansa base sa pinakahuling survey nito.
Sa rami ng kumpetisyon sa Pilipinas na gumagamit ng iba’t ibang istratehiya para mapansin ng mga readers, isa lang ang natatangi at pinananatili ng PSN, ang pagiging DISENTE.
Marahil ay gasgas na salita ito ngayon sa panahon na hindi na pinapansin ang pagiging malinis sa salita at sa intensyon. Ngunit nananatili ang PSN na makapaghatid ng tamang mga impormasyon sa pinakapatas at maayos na pamamaraan.
Mula sa pinakasariwang balita, sa opinyon, entertainment, libangan, at sports, pinananatili ng PSN ang pinakamataas na kalidad ng pamamahayag ng walang halong kabastusan.
Ang PSN na lang ang natatanging tabloid na hindi sumunod sa trend na kailangang magkaroon ng bold at pagpapalaki sa mga kontrobersya upang mabili.
Kaya naman ang legacy na iiwanan ng PSN sa media industry ay ang pagiging DISENTE at maka-Diyos.
- Latest