Tourism at food business workers, sunod bakunahan
MANILA, Philippines — Nananawagan ang isang advocacy group na kung maaari pagkatapos ng mga frontliners ay sunod bakunahan ang mga manggagawa sa turismo at food business.
Ayon kay Edmund Mayormita, tagapagsalita ng Grupong Turismo, Isulong Mo, kung gusto ng pamahalaan na buhayin agad ang ekonomiya, turismo ang pinakamabilis na paraan.
“Isang taon nakakulong sa bahay ang mga tao and surely they want to go somewhere else,” sabi ni Mayormita.
Aniya, kapag may pasyalan may mga kainan kaya kailangan din mabakunahan yung mga nasa food sector.
Magpapadala ng liham ang grupo sa Inter-Agency Task Force (IATF) ngayong linggo para iparating ang kanilang kahilingan. Kapag makita ng mga tao na nabakunahan na ang mga tourist spot workers tiyak dadagsain na naman ng mga tao ang mga tourist destinations sa bansa lalo’t papalapit na ang summer, dagdag pa ni Mayormita.
Ang Turismo Isulong Mo ay kinabibilangan ng libu-libong manggagawa mula sa tourism industry, mula sa tourist guides hanggang sa mga bankero at mga masahista.
- Latest