Sinibak na Philippines envoy nagpasaklolo sa korte
MANILA, Philippines — Kukwestyunin ni da-ting Philippine Ambassador to Brazil Marichu Mauro ang desisyon ni Pangulong Rodrigo Duterte na siya ay sibakin sa serbisyo.
Sa isang press statement, sinabi ni Mauro na iaakyat niya sa korte ang legalidad ng desisyon ng Pangulo.
Hindi umano naging patas ang desisyon laban sa kanya matapos ang imbestigasyon na ginawa ng Department of Foreign Affairs.
Sa pinirmahang desisyon ng Pangulo, pagkatanggal sa serbisyo, pagbawi ng lahat ng kanyang benepisyo, pagbabawal na makapasok sa lahat ng tanggapan ng gobyerno at pagbawi ng kanyang eligibility ang ipinataw na parusa sa dating Ambassador.
Itinuring ni Mauro na isang unbiased judgment ang hatol sa kanya ng Presidente gayong dapat ay dumaan umano ito sa tamang proseso tulad ng Ombudsman kung saan isasampa ang kaso sa korte at ito naman ang magdedesisyon kung siya ba ay dapat matanggal sa serbisyo.
- Latest