UP-PGH director, kauna-unahang tinurukan ng bakuna
MANILA, Philippines — Si University of the Philippines-Philippine General Hospital (UP-PGH) Director Dr. Gerardo Legaspi ang naging kauna-unahang naturukan ng COVID-19 vaccine ng Sinovac ng China. kahapon.
Sa ‘symbolic vaccination’ ng pamahalaan kahapon, unang tumanggap ng bagong dating na bakuna buhat sa China si Legaspi na itinurok ng nurse na si Chareluck Santos.
“Si Dr. Legaspi ang nanguna sa atin sa laban na ito , kaya karapat-dapat lang na siya ang unang tumanggap ng ating bakuna,” ayon kay PGH spokesperson Dr. Jonas Del Rosario.
Ikinasa ang ‘symbolic vaccination’ para maipakita sa publiko na ligtas ang Sinovac vaccine buhat sa China at mapataas ang kumpiyansa dito ng publiko.
Matapos si Legaspi, kabilang din sa mga unang tumanggap ng bakuna sa PGH sina National Task Force for COVID-19 head, Secretary Carlito Galvez, Food and Drug Administration (FDA) chief Eric Domingo, at Metropolitan Manila Development Authority (MMDA) Chairman Benhur Abalos.
Umabot sa 125 health workers buhat sa UP-PGH ang nagpabakuna sa unang araw ng ‘vaccination program’ na higit umano sa inaasahan ng pamunuan ng ospital.
Nabakunahan na rin si testing czar Secretary Vince Dizon sa Dr. Jose N. Rodriguez Memorial Hospital and Sanitarium sa Caloocan City.
Related video:
- Latest
