Pilot implementation muna sa face-to-face classes
MANILA, Philippines — Kailangan munang magkaroon ng pilot implementation ng face-to face classes bago muling magsimula ng klase sa buong bansa.
Ayon kay Senador Sonny Angara na dapat maging maingat ang gobyerno bago simulan ang face-to-face learning dahil andyan pa rin ang panganib ng COVID-19.
Iginiit ni Angara na, nais din niya na bumalik ang mga estudyante sa learning school dahil mas nakakawala ito ng stress at pressure sa mga mag-aaral at sa mga magulang na napipilitan sa blended learning dahil sa pandemic.
Subalit bago magsimula ang planong face-to-face classes ay mas mabuting magkaroon muna ng pilot implementation para makita kung paano ito magiging maayos at dapat munang pumili ng isa o dalawang probinsya na walang kaso ng coronavirus.
Dapat din umanong handa ang mga health system sa lugar na mapipili sakaling magkaroon ng super spreader dahil mayroong mga ulat sa ibang bansa na ang face-to-face classes ay nagsisilbing super spreader events.
Sinabi naman ni Senate President Vicente Sotto III na isusulong niya ang pagbubukas ng face- to-face classes sa mga lugar na walang kaso ng coronavirus kahit wala pa ang bakuna, kakulangan sa silid-aralan at sa tamang health facilities.
- Latest