OSY lumobo dahil sa COVID-19 pandemic
MANILA, Philippines — Pinatututukan ni Sen. Sonny Angara sa gobyerno ang nakakabahalang pagtaas ng bilang ng out of school youth (OSY) sa bansa na dahil pa rin sa epekto ng COVID-19 pandemic.
Ayon kay Angara, chairman ng Senate Committee on Youth, seryoso ang bilang ng pagtaas ng OSY na maaaring mauwi sa mas malaking problema kapag hindi agad ito naagapan ng gobyerno.
Sa datos ng Department of Education (DepEd), halos umabot sa apat na milyong estudyante ang hindi nakapag-enrol ngayong school year at sa nasabing bilang, 2.75 milyon ang hindi nag-enrol sa pribadong mga paaralan.
Sa pinakahuling datos ng DepEd noong Agosto 11,2020 umabot sa 23 milyon ang naka-enrol sa pampubliko at pribadong eskwelahan na mas mababa mula sa 27.7M enrollees noong 2019.
Sa datos naman ng Philippine Statistics Authority (PSA), lumalabas na ang dahilan ng OSYs sa hindi pagpasok sa eskwelahan ay may kaugnayan sa pag-aasawa o usapin sa pamilya, kakulangan ng interes at mahal na halaga ng edukasyon o kakulangan sa pinansyal.
- Latest