P1 oil price hike nagbabadya

MANILA, Philippines — Posibleng magkaroon ng hanggang P1 taas sa presyo ng mga produktong petrolyo sa darating na araw ng Martes.

Sinasabing maaring maglaro sa 80-90 sentimo sa kada litro ng gasolina ang itataas samantala sa kerosene ay inaasahang tataas sa 95 sentimo hanggang P1 kada litro at aabutin naman ang taas presyo sa diesel ng P1-P1.05 kada litro.

Ayon sa mga eksperto, maaaring maramdaman sa susunod na linggo ang naturang pagtaas sa presyo ng oil products dahil nagsimula na ang bawas sa produksyon ng langis sa Saudi Arabia at iba pang bansa kaya sumipa rin ang presyo nito sa world market.

Sumabay pa rito ang patuloy na pagbaba ng imbentaryo ng langis ng Estados Unidos.