10-anyos pwede nang lumabas sa MGCQ areas
MANILA, Philippines — Pinayagan na ng Inter-Agency Task Force (IATF) on Emerging Infectious Diseases na makalabas ng bahay ang mga 10 taong gulang hanggang 65-anyos sa mga lugar na nasa ilalim ng modified general community quarantine (MGCQ).
Ito ang inihayag ni Presidential Spokesman Harry Roque, kasabay ng paglilinaw na ang 10-anyos pababa at 65-anyos pataas ay kailangang manatili sa kanilang mga bahay.
Ang desisyon ng IATF ay dahil sa kahilingan ng Department of Trade and Industry (DTI) na pababain ang edad ng mga papayagang makalabas ng bahay para sumigla ang ekonomiya ng bansa.
Ang nasabing kautusan ay ipapatupad sa Pebrero 1, 2021.
Habang hinikayat din ng IATF ang Local government units (LGUs) na nasa ilalim pa ng general community quarantine (GCQ) na sumunod sa nasabing panuntunan.
“Local government units (LGUs), on the other hand, are enjoined to adopt the same relaxation of age-restrictions for areas under General Community Quarantine (GCQ),” sinabi pa ni Roque.
- Latest
