COVID-19 variant ng pasahero nakuha sa Hong Kong – DOH

MANILA, Philippines — Malaki ang posibilidad na sa paliparan ng Hong Kong nakuha ng babaeng pasahero na mula sa Metro Manila ang United Kingdom COVID-19 variant makaraang magnegatibo naman siya sa swab test bago umalis ng Pilipinas.

Ito ang paniwala ni Health Secretary Francisco Duque III makaraang makakuha na ng ulat buhat sa Hong Kong International Health Regulations National Focal Point at Center for Health Deve-lopment ng Pilipinas.

Mula sa Cagayan Valley region ang 30-anyos na pasyente na nagtungo ng Metro Manila noong Disyembre 18 kung saan sumailalim siya sa qua-rantine protocols. Dis-yembre 19 nang isailalim siya sa RT-PCR tests na negatibo ang resulta.

“When she left, she tested negative and I think on January 2, 10 days after she arrived in Hong Kong, she tested positive. So that’s 10 days between the time she left and the time she arrived in Hong Kong where she tested positive,” ani Duque.

Nasa ‘isolation’ na sa HK ang pasahero at nasa maayos na kalagayan.

Bukod sa ‘contact tra-cing’ sa mga pasahero ng PAL Flight PR300, nagsasagawa na rin ng contact tracing ang health units sa Cagayan Valley at sa Metro Manila para sa mga taong nakasalamuha ng pasyente.