Manila passenger na may 'new COVID-19 variant' negatibo sa test bago lumipad sa HK

MANILA, Philippines — Nagnegatibo sa coronavirus disease (COVID-19) test ang biyaherong nakakitaan ng bagong United Kingdom variant ng SARS-CoV-2 sa Hong Kong bago umalis ng Pilipinas — dahilan para lumutang ang mga haka-hakang sa ibayong dagat na nahawa ng delikadong strain ang pasyente.

Ito ang sabi ng DOH at Philippine Airlines, Miyerkules, matapos lumabas sa pagsusuri ng Philippine Genome Center na "wala pa" ang mas nakahahawaang COVID-19 mutations sa Pilipinas.

Basahin: Gov't analysis shows new COVID-19 variant not yet in Philippines

"Itong dalawang... may profile na 30-years-old female, were both tested prior to their departure to Hong Kong," ayon kay Health Undersecretary Maria Rosario Vergeire sa media forum kanina.

"One was tested on December 20, the other was tested on December 22 and both had negative [COVID-19] results."

Ayon naman sa PAL, naipasa na nila sa Bureau of Quarantine ang impormasyon patungkol sa na-detect na bagong strain sa Hong Kong.

Aniya, matitiyak daw nito namakapaglulunsad ng "contact tracing procedures" sa mga pasahero ng nasabing PAL flight (Dec22 PR300).

"PAL is fully cooperating with health authorities and strictly adheres to vital health and safety protocols to help ensure that air travel is safe during the pandemic," sabi naman ng kumpanya sa isang pahayag.

Naipasa na raw ng Philippine Airlines sa Bureau of Quarantine ang impormasyon tungkol sa na-detect na positibong kaso ng bagong strain ng COVID-19 sa Hong Kong na nagmula sa Pilipinas. pic.twitter.com/fZDCpIl0Do

— News5 (@News5PH) January 6, 2021

Kanina lang nang sabihin ng DOH at PGC na wala silang nakitang UK variant (B.1.17) ng SARS-CoV-2 — ang virus na nagdudulot ng nakamamatay na COVID-19 — sa Pilipinas matapos suriin ang nasa 305 positive samples mula sa siyam na institusyon sa mga nakalipas na buwan.

"The 305 samples analysed by PGC were composed of positive samples from November-December hospital admissions and from inbound travellers who tested positive upon arrival at the airport," ayon sa statement ng DOH.

"Moreover, the Department is in close coordination with Hong Kong's International Health Regulations focal point to secure official notification and other pertinent information regarding the Jong Kong resident who tested positive for the variant following travel history from the Philippines."

The Department of Health and the Philippine Genome Center say that the new COVID-19 variant has not yet been detected in the country. | via @gaeacabico pic.twitter.com/CPh23d4bsW

— Philstar.com (@PhilstarNews) January 6, 2021

Pinapayuhan naman ngayon ng DOH ang lahat ng mga lokal na pamahalaan at transport regulators na ipatupad pa rin ang health protocols sa lahat ng lugar, bagay na pinakamahusay daw na aksyon laban sa bagong variant.

Sa Hong Kong nakuha?

Kasunod ng mga naturang development, hindi tuloy maiwasan ng ilang lokal na ekspertong isiping sa ibang bansa nakuha ng mga pasyente ang kanilang COVID-19.

Ito ang naging banggit ngayon ni Dr. Guido David ng OCTA Research Group sa ABS-CBN pagdating sa posibilidad na sa Hong Kong at hindi ito sa Pilipinas nagmula.

Pero ayon naman kay Dr. Edsel Salvana, isang infectious diseases physician, marami pang dapat tignan bago ito masabi.

"It really depends on the timing... Kung may negative siyang test noong December 22, it takes just three to five days before you become positive again," wika ni Salvana.

"If nakuha niya 'yan sa Hong Kong and nag-test siya [doon] after December 27, then it is more likely na doon niya nakuha 'yon... Otherwise it is all just speculation."

Sa huling ulat ng DOH nitong Martes, umabot na sa 479,693 ang tinatamaan ng COVID-19 sa Pilipinas. Sa bilang na 'yan, 9,321 na ang patay. — may mga ulat mula kay Gaea Katreena Cabico at News5