2 LPA posibleng magdulot ng pagbaha – NDRRMC

MANILA, Philippines — Pinaghahanda ng National Disaster Risk Reduction and Management Council ang publiko sa posibleng pagbaha at pagguho ng lupa sa mga pag-ulan dulot ng low-pressure area sa bansa.

Ayon kay NDRRMC executive director Undersecretary Ricardo Jalad, bagama’t LPA lamang ito, ang mga residente na naninirahan sa mababang lugar ay dapat na maghanda sa posibleng pag-ulan at pagbaha.

Sinabi ni Jalad, hu­ling namataan ang isang LPA sa 140 kilometro kanluran ng hilagang-kanluran ng Puerto Prin­sesa, Palawan habang 35 km hilagang-silangan ng Daet, Camarines Norte ang isa pa.

Giit naman ni Depart­ment of Science and Technology (DOST) Un­dersecretary Renato Solidum Jr., nagdudulot pa rin ng mga pag-ulan at pagbaha gayundin ng landslides ang LPA kaya hindi dapat na ma­ging kampante ang publiko.