Face-to-face classes binawi ni Duterte
Dahil sa bagong strain ng COVID-19
MANILA, Philippines — Binawi kahapon ni Pangulong Rodrigo Duterte ang desisyon na payagan ang pilot testing ng face-to-face classes dahil sa bagong strain ng COVID-19 na posibleng makapasok sa bansa.
Sa pagsisimula ng meeting ng Inter-Agency Task Force (IATF) on Emerging Infectious Diseases na pinangunahan ng Pangulo, inanunsiyo nito ang pagbawi ng naunang desisyon.
“I’m calling back the order. I will not allow face- to-face classes of children until we are through with this,” ani Duterte.
Sinabi ng Pangulo na dapat lamang na harapin ang bagong kaganapan sa nakahahawang sakit.
“Prudence tells us that we should confront this emerging infectious disease. I have allowed kasi the face-to-face classes,” ani Duterte.
Matatandaan na pinayagan ng Pangulo ang face-to-face classses sa susunod na taon sa mga lugar na mababa ang kaso ng COVID-19.
Sinabi rin ng Pangulo na nanawagan ang National Task Force on COVID-19 sa publiko na huwag magpanic at sundin lamang ang advisories ng nagmumula sa mga “official sources.”
Ayon pa sa Pangulo, mas pinaigting pa ang monitoring ng frontline partners ng gobyerno upang matiyak na hindi makakapasok sa bansa ang bagong strain ng coronavirus.
- Latest