PhilHealth sa Red Cross: P571 milyon balanse, bayaran na
MANILA, Philippines — Muling nanawagan ang Philippine Red Cross (PRC) sa Philippine Health Insurance Corp. (PhilHealth) na bayaran na ang balanse sa kanilang utang na nasa P571 milyon.
Ito ay kasabay ng pag-amin ni PRC chairman Sen. Richard Gordon na nagbabayad naman ang pamahalaan ng P100 milyon kada 10 araw para sa utang sa ginamit na COVID-19 RT-PCR test kits.
“At least nagbabayad na ngayon. Nahihirapan din kami. Kahapon, may dumating - ang supply ng test kits, P200 million,” ayon kay Gordon.
Nakipagtawaran na rin umano ang PRC sa kanilang supplier ng RT-PCR test kits sa China para maibaba sa P3,409 ang halaga ng bawat test kits upang hindi lumagpas sa itinakdang P3,800 na presyo ng Department of Health (DOH) na nagpataw ng price cap sa swab test kits.
Nasa P4,800 ang presyo ng PRC sa bawat testing kits na ginagamit sa mga dumarating na OFWs bago ang implemetasyon ng price cap.
Planong ibaba ito ng PRC sa P3,300 ngunit inisyal na pepresyuhan nila ito sa P3,800 base sa price cap. Mas magiging mataas ito kung nagmamadali ang isang OFW na maisalang sa test at lumabas ang resulta.
- Latest