COVID-19 nakakabaog sa mga lalaki
MANILA, Philippines — Pinag-aaralan ngayon ng mga eksperto ang posibilidad na maaaring magdulot ng pagkabaog ang pagkakaroon ng COVID-19 sa mga lalaki makaraan ang mga ebidensya sa katawan ng mga nasawi na lubhang naapektuhan ang parte ng ‘testicle’.
Sa pag-aaral ng mga mananaliksik sa University of Miami sa Estados Unidos, nagsagawa sila ng awtopsiya sa anim na bangkay ng mga lalaki na mga nasawi dahil sa COVID-19 at tatlo sa ibang dahilan.
Nang ikumpara sa ‘testes tissue’, tatlo sa mga nasa-wi dahil sa COVID-19 ay may nasirang ‘testes tissue’ na maaaring makaapekto umano sa pagprodyus ng ‘sperm’.
Isang pag-aaral ng mga Chinese experts din ang dumating sa naturang konklusyon na inaatake rin ng COVID-19 ang immune system sa testicle na nagdudulot ng matinding kirot.
Isa pang pagsusuri sa labi ng 12 lalaki sa China na nasawi sa COVID-19 ang nagresulta sa pagkasira ng ‘cellular tissue’ sa testicles.
- Latest