50% discount ng senior citizens sa passport aprub ng Kamara
MANILA, Philippines — Inaprubahan na ng House Committee on Ways and Means ang panukalang batas na nagbibigay ng 50% discount sa mga senior citizens na kukuha ng passport.
Ang nasabing panukala ay amyenda sa Passport Law na nagtataas ng diskuwento ng senior citizen mula 32% ay gagawing 50% ang bayad sa pagpoproseso, pag-iisyu at pagre-renew ng mga passport. Ito ay ipatutupad din sa hanay ng mga Persons With Disabilities (PWDs).
Samantala, awtorisado naman ang Department of Foreign Affairs na itaas ang presyo ng passport ng 50% sa kasalukuyang singil.
Nabatid na ang DFA ay sumisingil ng P950.00 sa regular na pag-a-apply ng passport sa loob ng 12 araw; P1,200 sa pinabilis na proseso o 6 araw sa Metro Manila at 7 araw naman sa labas ng National Capital Region. Ang mga dayuhan ay sisingilin naman ng $60.
Hindi naman kabilang sa nasabing rate o sinisingil sa passport ang delivery fee na depende sa layo ng lokasyon at karagdagang convenience fee sa online payments.
- Latest
