Alamin: Luzon malls na 'libre tuluyan' ngayong gabi vs Typhoon Ulysses
MANILA, Philippines — Habang tumitindi ang banta ng bagyong Ulysses bago mag-landfall sa Luzon, ilang shopping malls ang nagmagandang loob na patuluyin sa kani-kanilang gusali ang sinumang maiipit sa gitna ng typhoon.
Basahin: Typhoon Ulysses sasalpok ng Calaguas Islands 'sa susunod na 3 oras'
Ilan na nga sa mga 'yan ang SM Supermalls at Robinsons Malls, na magbibigay ng libreng parking, internet connection at charging ng gadgets.
"Our malls in Luzon will be open to stranded customers and nearby residents who are affected by the typhoon," ayon sa SM Supermalls sa isang pahayag, Miyerkules.
Aniya, iwe-waive nila ang kanilang parking charges ngayong ika-11 ng Nobyembre, maliban sa free WiFi, charging stations at help desks.
PUBLIC SERVICE ADVISORY:
— SM Supermalls (@smsupermalls) November 11, 2020
Our malls in Luzon will be open to stranded customers and nearby residents who are affected by the typhoon. For more information, please visit the official page of the SM Mall near you.#TyphoonUlysses pic.twitter.com/hzyQOzOmNu
Halos ganyan din naman ang serbisyong ibibigay ng Robinsons malls para sa lahat ng kanilang malls sa National Capital Region, North Luzon at South Luzon.
Ang tanging malls na hindi magsisilbing temporary shelters ay ang Robinsons Place Ilocos at Robinsons Place GeTrias.
???? #ADVISORY ???? We Care About Your Safety
— Robinsons Malls (@RobinsonsMalls) November 11, 2020
Robinsons Malls in NCR, North Luzon* & South Luzon** will offer temporary shelters to those who will be affected by Typhoon Ulysses.
We will be offering FREE overnight parking, WiFi and charging stations today, Nov 11. pic.twitter.com/wVsggX2qkh
Bandang 4 p.m. nang huling mamataan ng PAGASA ang Typhoon Ulysses 60 kilometro silangan hilagangsilangan ng Daet, Camarines Norte at posibleng tumama o lumapit nang husto sa Calaguas Islands sa mga susunod na oras.
Kasalukuyang nasa signal no. 3 ang 19 lugar sa Luzon, gaya na lang ng Metro Manila, Camarines Norte, Catanduanes, Batangas, Laguna, Cavite, Rizal atbp.
Tinatayang magbubunsod ng malaking pinsala, baha at matataas na "storm surge" ang bagyo, bagay na banta sa buhay nang maraming residente. — James Relativo
- Latest