Siony magla-landfall sa Batanes

MANILA, Philippines — Napanatili ng severe tropical storm Siony ang lakas nito habang nagbabantang mag-landfall ngayon sa Batanes.

Kumikilos ito pakanluran sa bilis na 25 kph. Taglay nito ang lakas ng hangin na 95 kph at bugso na 115 kph.

Nakataas ang signal no. 2 sa Batanes at Babuyan Islands habang ilang lugar sa Luzon ang nasa signal no. 1 kabilang dito ang northern portion ng mainland Cagayan; northern portion ng Apayao at northern portion ng Ilocos Norte.

Inaasahan namang bibilis si Siony habang binabag­tas ang kanluran sa loob ng 48 oras.

Ayon sa PAGASA, lalabas din ang bagyo ng Philippine area of responsibility ngayong hapon o gabi.