P13 bilyong ayuda sa nawalan ng trabaho sa pandemic, ibibigay na
MANILA, Philippines — Aabot sa P13 bilyon na nakapaloob sa Bayanihan to Recover as One Act o Bayanihan II ang ipamamahagi ng gobyerno sa mga nawalan ng trabaho dahil sa COVID-19 pandemic.
Ayon kay Labor Undersecretary Joji Aragon, magsisimula ang pamamahagi ng cash assistance sa unang linggo ng Nobyembre.
“So mayroon po tayong nakalaan na ganoong kalaking pera para sa pagpapatupad ng cash assistance sa mga displaced workers dulot ng pandemya at….mag-uumpisa na ang pamamahagi ng cash assistance ngayong first week of November,” ani Aragon sa Laging Handa online press briefing.
Ang pondo ay ibinigay ng Department of Budget and Management sa mga regional offices sa 16 na rehiyon.
Nasa 993,432 manggagawa ang maghahati-hati sa P5 bilyon sa ilalim ng COVID Adjustment Measures Program.
Sa ilalim naman ng TUPAD emergency employment, P6 bilyon ang inilaan para sa 863,867 workers na nasa informal sector. Kabilang sa mga ito ang mga naapektuhan sa mga karinderya, mga nagtutulak ng mga kariton at mga nagtitinda ng taho.
- Latest
