‘Warrantless arrest’ sa Anti-Terror Law nakapaloob sa Konstitusyon - DOJ
MANILA, Philippines — Tiniyak ni Justice Undersecretary Adrian Sugay na nakapaloob sa itinatadhana ng Konstitusyon ang probisyon sa ‘warrantless arrrest’ na kasama sa katatapos lamang na ‘implementing rules and regulations (IRR)’ ng Anti-Terror Law.
Ang probisyon sa ‘warrantless arrest’ ang isa sa basehan ng petisyon na naisampa ng iba’t ibang sektor sa Korte Suprema.
Itinatadhana nito sa Anti-Terror Law na maaaring makulong ng hanggang 24 na araw ang isang pinaghihinalaang terorista na nadakip ng walang warrant of arrest bago dalhin sa korte.
Pinapayagan pa rin naman umano ang paglalatag ng adbokasiya, protesta, reklamo, pagtigil sa trabaho, welga, malikhain at kultural na paglalabas ng ekspresyon at iba pang karapatang sibil hanggang nasa loob ng Konstitusyon at mga pangunahing karapatan.
Ipinagbabawal lamang ang mga protesta kung ito ay magdudulot na ng kamatayan o pisikal na kapahamakan sa isang tao o panganib sa kaligtasan ng publiko, ayon pa sa opisyal.
- Latest