DOH ipinagtanggol pagiging WHO official ni Duque: 'Advantage ito sa Pilipinas'

MANILA, Philippines — Binweltahan ng Department of Health, Biyernes, ang mga bumabatikos ngayon kay Health Secretary Francisco Duque III matapos niyang maihalal bilang opisyales ng World Health Organization sa gitna ng sari-saring kinasasangkutan na kontrobersiya.

Thank you to the representatives of the 37 member-states of the WHO Regional Committee for Western Pacific for electing me as Chairperson of our 71st Session today. pic.twitter.com/KkWP3GNRqo

— Francisco T. Duque III (@SecDuque) October 6, 2020

Tinawag kasing "unsatisfactory" ni Senate President Vicente Sotto III ang pagkakahalal bilang chairperson ni Duque sa 71st session ng WHO Regional Committee for Western Pacific dahil sa bilyun-bilyong PhilHealth scandal.

Tumatayong rin kasing chairpersonn ng board ng PhilHealth ang kalihim ng DOH.

Matatandaang pinagbibitiw din ng 13 senador si Duque dahil sa kanyang diumano'y "palpak" na pamumuno sa kampanya kontra coronavirus disease (COVID-19).

Basahin: Duque pinagbibitiw ng 15 senador sa 'kapabayaan' sa COVID-19 crisis

"[M]alaking advantage po 'yan sa ating bansa kasi nandiyan po 'yung pagse-set ng directions from 2022 to 2023 — 'yung biennial plan ng WHO," wika ni Health Undersecretary Maria Rosario Vergeire sa smga reporters.

"Diniscuss po sa meeting na 'yan 'yung iba't ibang crucial na programa natin katulad ng COVID-19, 'yung pong pagbabakuna ano, 'yung vaccine preventable diseases, 'yung aging and health, and of course safe and affordable surgical interventions."

Aniya, mailalagay daw nito ang Pilipinas sa paborableng sitwasyon upang "pumosisyon." Dagdag pa ni Vergeire, sana'y doon na lamang daw sana mag-focus ang lahat kaysa sa mga batikos.

Patuloy namang ipinagtatanggol ni Pangulong Rodrigo Duterte si Duque at sinabing "wala" siyang makitang dahilan para makasuhan ang ang DOH secretary kaugnay sa anomalya sa interim reimbursement mechanism (IRN) sa COVID-19 response, ghost patients at overpricing na nangyayari sa loob ng state-run medical insurer company.

Basahin: Duterte says he can't find reason to prosecute Duque over PhilHealth mess

May kaugnayan: 'Bakit wala si Duque?': Sotto kwinestyon kasong isasampa vs PhilHealth execs

Kahapon, matatandaang 43 senior officers ng PhilHealth ang nagbitiw sa kanilang pwesto bilang tugon na rin sa September 30 memorandum na inilabas ng kanilang President at CEO na si Dante Gierran.

Una nang sinabi kanina ni Sen. Risa Hontiveros na dapat pa ring magpatuloy ang imbestigasyon sa PhilHealth mess para makulong ang mga nagkasala  — kaysa makawala sa kuko ng hustisiya dahil nag-resign.

"Kung ano naman ang nagiging komento ng iba, ito naman ay kani-kanila namang karapatan para magsalita ng ganyan," patuloy ni Vergeire kanina.

"Ang sa atin po, dito sa kagawaran, tuloy-tuloy pa rin po ang trabaho namin in spite of all these criticisms." — may mga ulat mula sa News5