P1K bill na may maling pangalan ni Duterte, peke
MANILA, Philippines — Peke umano ang umiikot na P1,000 pera na may maling ‘spelling’ ng apelyido ni Pangulong Rodrigo Duterte, ayon sa Bangko Sentral ng Pilipinas.
Iginiit ng BSP na hindi isang ‘legal tender’ ang kumakalat sa social media na larawan ng mga P1,000 bill na sa halip na “ROA” ay “BOA” ang nakalagay na ‘middle name’ ng Pangulo.
Ang “Boa” ay isang uri ng malaking ahas na pumupulupot sa kaniyang pagkain at walang kamandag.
Sinabi ng BSP na ang serial number sa nag-viral na pera ay hindi tumutugma sa anumang inilabas nila na bagong P1,000 na bahagi ng “Enhanced New Generation Currency banknote.”
Gagawa umano ng aksyon ngayon ang BSP para maitama ang kumakalat na mga impormasyon ukol sa naturang banknote at maprotektahan ang integridad ng pera ng Pilipinas.
- Latest