Mail voting sa senior citizens itinulak
MANILA, Philippines — Isinusulong sa Kamara ang ‘voting by mail’ para sa mga matatanda sa darating na halalan sa 2022.
Sa House Bill 7572 na inihain ni Marikina 2nd District Rep. Stella Quimbo, nakasaad na isa sa pinaka-vulnerable sa panahon ngayon ng pandemya ang mga senior citizen kaya’t pwedeng gamitin ang mga private courier service para sa mail voting.
Ayon kay Quimbo, napapanahon ito lalo pa nga’t posibleng tumagal pa ang pandemya.
Sinabi pa ni Quimbo, na ginawa na rin ang mail voting para sa mga OFWs habang nagkaroon na ng ganitong voting by mail sa South Korea at naging matagumpay naman ito kaya’t pwede rin itong gawin sa Pilipinas.
Tinatayang aabot sa 9 milyong senior citizens ang nakatala sa Comelec.
- Latest