35.5 milyong Pinoy, magtitipid ngayong Pasko – survey
MANILA, Philippines — Mayorya ng mga Filipino o 52% ang nakahandang maghigpit ng sinturon o magtipid ngayong Kapaskuhan.
Batay sa bagong research ng global financial comparison website na Finder.com, 52% ng Filipino na edad 18 pababa o katumbas ng 35.5-M katao ang planong magbawas sa kanilang gastusin ng average na 31% sa Pasko.
Kumpara umano sa gastos noong nakaraang Pasko na P17,000 kada tao, nangangahulugan ito ng paggastos ng P11,781 na lang na mas mababa ng P5,219.
Dahil dito, tatamaan ang mga retailer at service provider at tinatayang P95-B ang mawawala sa kanilang kita.
Nabatid na 10 bansa ang kabilang sa naturang survey, at pumangalawa ang Pilipinas sa South Africa (56%) sa mga nagbabalak na magbawas ng gastos, pangatlo ang Hong Kongese at Indians (47%), Canadians (43%) at Irish (42%).
Kabilang naman sa pinakamababang bilang ng mga planong magtipid sa Pasko ang mga Australian (37%), Kiwis (39%) at Americans (40%).
- Latest