Online learners pinababantayan sa magulang vs NPA recruitment
MANILA, Philippines — Pinababantayan ng Armed Forces of the Philippines (AFP) at Philippine National Police (PNP) sa mga magulang ang kanilang mga anak na may online class sa Oktubre 5 sa posibilidad na malantad ang mga ito sa paghimok ng New People’s Army (NPA) na sumapi sa kanila.
Ayon kina AFP Chief of Staff, Gen. Gilbert Gapay at PNP Chief, Gen. Camilo Pancratius Cascolan, bagaman wala pang ulat na mayroong na-recruit sa pamamagitan ng online ay posible ring magamit ang networld sa NPA recruitment.
Kaya naman nanawagan ang mga mga opisyal ng militar at pulisya sa mga magulang na ga-bayan ang kanilang mga anak habang nag-aaral gamit ang computer.
Makabubuti rin na makipag-ugnayan sa guro kung kinakailangan para maging updated sa online class transaction ng anak.
Paliwanag pa nina Gapay at Cascolan na para sa seguridad ng mga kabataan ang kanilang ginagawa at kanilang haharangan ang anumang tangka na umanib ang mga estudyante sa makakaliwang grupo na maaa-ring magresulta ng pagkasira ng kanilang pag-aaral.
- Latest
