Mga guro bibigyan ng WiFi allowance
MANILA, Philippines — Plano ng Department of Education (DepEd) na bigyan ng buwanang WiFi connectivity at communications allowance ang kanilang mga guro at personnel ngayong nagpapatupad ng blended learning methods ang bansa, dahil sa banta ng COVID-19.
Inabisuhan na ni Education Undersecretary Alain Pascua ang regional, division, at school employees na i-register at i-update ang kanilang impormasyon sa DepEd Commons Account para mapaghandaan ng ahensiya ang pamimigay ng connectivity allowance.
Ayon kay Pascua, kailangang ilagay ng mga empleyado ang kanilang contact details at mobile internet network provider na gusto nilang gamitin para sa online teaching. Ang mga nakarehistro at naka-activate lang ang accounts ang mabibigyan ng allowance sa sanda-ling maipatupad na ito.
Binigyan ng DepEd ang mga guro at personnel ng hanggang Setyembre 21 para makapagrehistro.
- Latest