Petisyon sa free mass testing ibinasura ng SC
MANILA, Philippines — Ibinasura ng Korte Suprema ang petisyon ng isang grupo ng health advocates na naglalayong pilitin ang pamahalaan na magsagawa ng libreng COVID-19 mass testing.
Sa desisyong ibinaba ng SC en banc, ikinatwiran nito na nabigo ang mga nagpetisyon na patunayan na karapat-dapat sila na maisyuhan ng “writ of mandamus”.
Ang “writ of mandamus” ay inilalabas upang atasan ang isang “tribunal, corporation, board, officer or person to perform an unlawfully neglected duty.”
Dahil hindi napatunayan na nabigo ang executive branch na ipatupad ang responsibilidad nito, walang awtoridad ang korte na maglabas ng “writ of mandamus”.
Hindi rin umano gumawa ng paraan ang mga nagpetisyon na lumapit muna sa mga ahensya ng pamahalaan para sa kanilang panawagan bago dumiretso sa Korte Suprema.
- Latest