P8 bilyong pondo ng OP aprub na sa Kamara
MANILA, Philippines — Sa loob lamang ng halos dalawang oras, inaprubahan na sa House Committee on Appropriations ang P8.238 bilyong 2021 national budget ng Office of the President (OP).
Ito’y sa gitna na rin ng pagkuwestiyon ng Makabayan bloc solons sa confidential fund at intelligence fund ni Pangulong Rodrigo Duterte na aabot sa P4.5 bilyon.
Ang interpelasyon ng Makabayan bloc ang nagpatagal ng deliberasyon dahil sa pagbusisi ng mga ito sa pondo ng OP partikular ang umano’y napakalaking confidential at intelligence funds na dapat ay inilaan na lamang sa pagbili ng Personal Protective Equipments (PPEs).
Sa mga nakalipas na taon ay 10 minuto lang ang itinatagal ng deliberasyon sa panukalang pondo ng OP at walang interpelasyon.
Noong 2018 dahil sa pinairal na ‘courtesy’ ay tatlong minuto lamang ang itinagal ng deliberasyon sa panukalang badyet ng tanggapan ni Pangulong Duterte.
- Latest
