DepEd, nanindigan na walang academic freeze
MANILA, Philippines — Nanindigan ang Department of Education (DepEd) sa pasya nito na walang magaganap na academic freeze sa bansa.
Ayon kay Education Undersecretary Diosdado San Antonio, hindi maaaring maantala ang edukasyon ng mga bata dahil mahuhuli sila sa mga estudyante sa ibang parte ng mundo.
Iniulat din niya na sa ngayon ay nasa 80 porsiyento na ang kahandaan ng DepEd sa pagbubukas ng klase sa Oktubre 5.
Mahigit na rin sa 24 milyong estudyante ang nakapagpatala para sa School Year 2020-2021 kahit pa may pandemic ng COVID-19.
Nauna rito, nanawagan ang ilang grupo na magpatupad ng academic freeze dahil sa pandemya.
- Latest