Tiwala ng publiko sa PhilHealth ibabalik ko – Gierran
MANILA, Philippines — Tiniyak ng bagong talagang pangulo at CEO ng Philippine Health Insurance Corp. na si ex-NBI chief Dante Gierran na ibabalik niya ang tiwala ng publiko sa PhilHealth sa kanyang pag-upo sa pwesto.
Aminado si Gierran na bagama’t alam niyang mahihirapan siya sa panibagong posisyong iniatang ni Pang. Rodrigo Duterte sa kanyang balikat ay hindi niya ito natanggihan dahil ang magbebenepisyo sa PhilHealth ay ang mga mamamayan.
Pinasalamatan din naman ni Gierran ang Pangulo dahil sa ipinagkaloob nitong tiwala sa kaniya.
Pagtiyak pa niya, gagawin niya ang lahat upang maibalik ang tiwala at kumpiyansa ng mga tao sa PhilHealth.
Kabilang aniya sa tututukan niya ay ang tunay na halaga ng pondong natira pa sa PhilHealth.
Si Gierran ay isang abogado at certified public accountant.
- Latest