Lotto balik na sa GCQ, MGCQ areas simula Agosto 7
MANILA, Philippines — Simula ngayong Biyernes, Agosto 7 ay balik na muli ang lotto operations sa mga lugar na nasa ilalim ng general community quarantine (GCQ) at modified general community quarantine (MGCQ).
Sa public advisory ng Philippine Charity Sweepstakes Office (PCSO), kabilang sa sisimulang muli ay ang pagbola at pagbebenta ng mga tiket ng Lotto 6/42, Mega Lotto 6/45, Super Lotto 6/49, Grand Lotto 6/55 at Ultra Lotto 6/58.
Ang selling period ng tiket nito ay mula 7:00AM hanggang 8:00PM ha-bang ang pagbola dito ay isasagawa ng 9:00 p.m.
Nilinaw naman ni PCSO General Manager Royina Garma na suspendido pa rin ang lahat ng PCSO games sa mga lugar na nananatili pa rin sa ilalim ng MECQ at ECQ.
Hindi pa rin aniya ibinabalik ng PCSO ang operasyon ng small town lottery o STL.
- Latest