Magbibiro na may pasasabugin hindi agad aarestuhin – Lacson
MANILA, Philippines — Kasabay nang pagtatanggol sa isinulong na Anti-Terrorism Bill, tiniyak ni Sen. Panfilo Lacson na hindi kaagad aarestuhin ang mga nagbibiro lamang na may pasasabugin na isa sa mga maling impormasyon na lumalabas sa social media.
Nilinaw din ni Lacson na mali rin ang impormasyon na puwedeng pagsuspetsahang terorismo at arestuhin ang mga reklamador sa social media o mga madalas nagpapahayag ng kanilang opinyon o adbokasiya.
Sinabi ni Lacson na nakasaad sa panukala na hindi ituturing na terorismo ang mga nagpapahayag ng adbokasiya, kalayaan sa pamamahayag at pagsasalita at pati pagdaraos ng industrial strikes.
Malinaw din aniya ang nakalagay na “shall not” at hindi “may not” kaya hindi puwedeng ituring na terorismo ang mga nabanggit na karapatan ng mga mamamayan
Pero ibang usapan aniya kapag mabigat ang ebidensiya at talagang nanghihikayat na magrebelde sa gobyerno.
Wala aniya sa panukala na ang isang napagsuspetsahan lamang na terorista ay puwedeng arestuhin,
- Latest