Palasyo sa publiko: ‘Makipagtulungan sa quarantine protocols’

MANILA, Philippines — Umapela ang Malacañang sa publiko na maki­pagtulungan sa pamahalaan ngayong ilalagay na sa general community quarantine (GCQ) at modified general community quarantine (MGCQ) ang bansa simula ngayong araw.

Sinabi ni Presidential Spokesman Harry Roque, na inilatag na ng gobyerno ang lahat ng pamamaraan para masigurong ligtas ang lahat sa COVID-19 kabilang dito ang pag-iisyu ng guidelines na ipapatupad sa mga lugar ng trabaho, employers at mga manggagawa.

Iginiit ni Roque na alam naman ng lahat na hindi nakikita ang kalaban na COVID-19 at hindi pa ligtas ang Pilipinas sa masamang dulot nito.

Kaya ngayong maraming sector at industriya na umano ang magbubukas ay kailangan ang koope­rasyon sa mga otoridad sa pagpapatupad ng qua­rantine protocols kabilang na rito ang pagsusuot ng face mask/face shields, pagpapatupad ng physical/social distancing, pananatili sa bahay kung hindi kinakailangang lumabas at pag-iwas sa maraming tao.

Paliwanag pa ni Roque, hindi kakayanin ng pamahalaan na mag-isang labanan ang COVID kaya kailangan ang pakikipagtulungan ng taumbayan dito.