P3.1 bilyong tulong ng PCSO vs COVID
MANILA, Philippines — Kabuuang P3.1 bilyon ang tulong na inilabas ng Philippine Charity Sweepstakes Office (PCSO) para sa laban ng pamahalaan kontra COVID-19.
Sinabi ni PCSO General Manager Royina Garma, P2.2 bilyon ang advance dividend payment na unang inilabas nila sa Department of Finance (DOF) upang magamit ng gobyerno sa paglaban sa COVID-19.
Aniya, ito ay bilang pagtalima na rin sa Republic Act 7656 na nagsasaad na ang isang government-owned and controlled corporations (GOCC) na magdeklara na dibidendo sa national government upang magamit sa mga emergency cases katulad ng COVID pandemic.
Sinabi pa ni Garma na kahit tigil ang kanilang operasyon sa ngayon ay hindi ito hadlang sa pagbibigay nila ng ayuda sa gobyerno gayundin sa mga nangangailangan ng financial assistance sa mga mahihirap na kababayan.
- Latest
