COVID testing sa workers hindi mandatory
MANILA, Philippines — Nanawagan ang Malacañang sa local government leaders at mga opisyal ng barangay na sundin ang inilabas na panuntunan ng Inter-agency Task Force (IATF) on Emerging Infectious Diseases para masiguro na maayos ang pagbabalik ng mga pribadong manggagawa sa kanilang mga trabaho.
Giit ni Presidential Spokesman Harry Roque, na hindi dapat itakda ng local government units (LGUs) ang mga pribadong manggagawa na sumailalim sa rapid COVID test bilang kondisyon sa kanilang balik trabaho.
“Hindi tama na mag-require ang LGUs ng COVID testing. It’s not mandated. If ever, it must be done voluntarily,” ayon kay Roque.
Niinaw pa ni Roque na hindi mandatory ang COVID-19 para sa mga magbabalik manggagawa sa ilalim ng IATF guidelines maliban na lamang kung sasagutin ng mga kumpanya o ng mga employer ang gastusin dito.
Kinakausap na rin umano ng DILG ang mga LGUs na hindi nila dapat i-require ng ganyan maliban kung boluntaryo at dapat din nila payagan ang mga personnel at business establishments na pinapayagan ng IATF na magbukas.
- Latest
