May 25 idineklarang holiday para sa Eid’l Fitr

MANILA, Philippines  — Idineklara ni Pangulong Rodrigo Duterte na regular holiday ang Mayo 25 upang ipagdiwang ang pagtatapos ng Ramadan o Eid’l Fitr.

Ang deklarasyon ng regular holiday ay nakapaloob sa  Proclamation No. 944 na nilagdaan ng Pangulo noong Martes base sa rekomendasyon ng National Commission on Muslim Filipinos (NCMF).

Ang Eid’l Fitr ay ipinagdiriwang ng mga Muslim sa loob ng tatlong araw matapos ang isang buwang pag-aayuno.
Sinabi rin sa deklarasyon na dapat bigyan ng pagkakataon ang sambayanang Filipino na makiisa sa pagdiriwang pero dapat sundin ang umiiral na community quarantine at social distancing.