P100K cash gift sa 80-anyos pataas isinulong
MANILA, Philippines — Magandang balita!
Makikinabang sa P100,000 cash gift mula sa pamahalaan ang mga senior citizens na nagkakaedad ng 80-anyos pataas.
Ito ang nilalaman ng isinusulong na huling bersyon ng panukalang pag-aamyenda sa Centenarians Act ni Senior Citizen Partylist Rep. Francisco Datol Jr.
Sinabi ni Datol na sa nais niyang bersyon para amyendahan ang nasabing panukalang batas na isinusulong sa Kamara, ang mga senior citizens ay makakatanggap ng P25,000 sa ika-80 taong kaarawan ng mga ito at kada limang taon hanggang sa umabot ang mga ito sa 100 taon o kabuuang P100,000 cash gift.
Inihayag nito na upang hindi naman maging mabigat para sa gobyerno ay dapat hatiin sa apat na beses ang pagbibigay ng cash gift sa mga senior citizens at hindi ito maging isang buhos na biyaya na mas mabilis maubos.
- Latest
