Backyard farming dumami sa panahon ng quarantine – Villar
MANILA, Philippines — Ikinagalak ni Senator Cynthia Villar ang pagdami ng mga Filipino na nagkainteres sa vegetable gardening o backyard farming habang naka-community quarantine.
“I am glad that more people are now seeing the benefits of planting vegetables in their own backyard. And I hope the growing interest will continue even after the quarantine is lifted,” ayon kay Villar.
Matagal nang isinusulong ni Senator Villar, chairperson ng Senate Committee on Agriculture, ang lahat ng uri ng pagsasaka para sa food self-sufficiency at security.
Hinimok niya ang mga kabataan, OFWs, barangay residents at pati drug surrenderees na magtanim ng mga gulay.
Marami siyang mga programa at proyekto na sumusuporta sa kanyang adbokasiya. Sinimulan niya ang vegetable gardens sa kanyang bahay sa Las Piñas.
Bilang insentibo, taun-taon siyang nagbibigay ng pabuya sa best barangay vegetable gardens.
Sa panahon ng quarantine, namimigay din si Villar ng seed packs at organic fertilizer mula sa kitchen at garden wastes sa lahat ng barangay sa Las Piñas at karatig lugar sa NCR, Cavite at Bulacan.
Mahigit two-thirds ng populasyon ng mundo ang nakikitang maninirahan sa mga siyudad sa 2050 at ang urban agriculture ang makatutulong sa kanilang pagkain.
- Latest
