TRO ng SC tanging remedyo ng ABS-CBN
MANILA, Philippines — Ang paghingi ng temporary restraining order (TRO) mula sa Korte Suprema ang tanging remedyo na maaaring gawin ng ABS-CBN matapos silang ipasara ng National Telecommunication Commission (NTC).
Sinabi ni Senate Minority leader Franklin Drilon, na sana ay mag-isyu agad ng TRO ang Supreme Court (SC) lalo na ngayon na lahat ay nakikinig sa nasabing himpilan para malaman ang status at update ng COVID-19 pandemic.
Giit ni Drilon, kung walang sapat na komunikasyon ay tiyak na mapeperwisyo ang taumbayan.
Mariin naman kinondena ni Drilon ang naging hakbang ng NTC at sinabing ito ay grave abuse of discretion at paglabag sa equal protection clause ng konstitusyon.
Pinuna din ng minority leader kung bakit pinayagan ng NTC ang ibang istasyon na mag-operate kahit na expired na ang kanilang lisensya para mag-operate habang nakabinbin pa sa kongreso ang kanilang aplikasyon.
- Latest
