Barangay sa Bacoor nasa total lockdown

MANILA, Philippines — Isang barangay sa lalawigan ng Cavite  ang isinailalim sa Total Lockdown sa loob ng isang linggo.

Ayon sa Facebook Page Ng Cavite Connect at Bacoor City Health Office, 7 araw simula Abril 24 hanggang Abril 30 ipatutupad ang total lockdown sa Barangay Molino 3, Bacoor.

Walang residente ang maaaring lumabas ng kanilang bahay at lahat ng daanan at kalsada ay isasara at babarikadahan ng kapulisan.

Magbibigay ng mga bagong Qurantine ID pass pero ito ay limitado lamang.

Ang mga pagkain, important supplies, gamot at iba pang mga pangunahing pangangailangan ay idadaan na lamang sa pamamagitan ng Online Market delivery, Mercury drug delivery system, SM Watsons, Mobile Palengke at iba pang rolling stores.

Hindi rin papayagang ang lahat ng klase ng transportasyon sa nasabing barangay.

Inilagay ang Barangay Molino 3 sa total lockdown matapos na ito ang manguna sa dami ng pasaway at bilang ng kaso ng COVID-19 sa lunsod ng Bacoor.