ATMs i-disinfect, cash supply tiyakin
MANILA, Philippines — Upang makaiwas sa COVID-19, iminungkahi ni BHW Partylist Rep. Angelica Natasha Co sa mga bangko na i-disinfect ang kanilang mga ATM machines para sa kaligtasan ng publiko sa nakamamatay at nakahahawang virus.
Kasabay nito, ipinatitiyak din ni Co ang cash supply sa mga ATM machines para may sapat na pocket money at petty funds ang mga tao para sa pangangailangan ng mga ito sa susunod na mga araw o linggo.
Ito’y matapos namang isailalim ni Pangulong Rodrigo Duterte sa 30 araw na ‘community quarantine’ ang Metro Manila simula sa Marso 15.
Aniya, hindi pangkaraniwan ang magkakasunod na hagupit ng pandemic at mga natural na kalamidad sa bansa kung saan pabulusok ang stock market at tigil ang trabaho sa ilang pagawaan.
Samantala dapat ding abisuhan ng mga bangko ang kanilang mga kustomer na palagiang maghugas ng kamay partikular na kapag humahawak ng mga papel na pera at barya.
- Latest