2 bata nagutay sa granada
MANILA, Philippines — Halos magutay ang dalawang bata matapos sumabog ang isang granada kamakalawa sa Sultan Mastura, Maguindanao.
Kinilala ni Police Major Bangon Mamako, hepe ng Sultan Mastura PNP, ang mga biktima na sina Daniel Amora, 7 at Omar Amilol, 5-anyos.
Nangyari ang pagsabog sa isang bahay kung saan naglalaro ang dalawang biktima sa bahagi ng Sitio Santillano sa Barangay Macaviso bandang 2:30 ng hapon.
Matapos ang pagsabog ay mabilis na isinugod sa Sanitrarium hospital malapit sa Sultan Kudarat ang mga bata subalit binawian din sila ng buhay bandang alas-6 kamakalawa ng gabi.
Patuloy pang inaalam ng pulisya ang ulat na napaglaruan ng dalawang bata ang napulot na granada sa ‘di natukoy na lugar kaya nangyari ang pagsabog.
- Latest