DOH susubukan ang virgin coconut oil vs virus
MANILA, Philippines — Bukas si Health Secretary Francisco Duque III sa posibilidad na pag-aralan ang paggamit ng virgin coconut oil bilang panlaban sa coronavirus disease (COVID-19).
Ayon kay Duque, agad niyang isusumite sa panel of experts sa sandaling maibigay sa kaniya ang isinasagawang pagsusuri sa VCO.
Una nang sinabi ni Cabinet Secretary Karlo Nograles na pangungunahan ng Filipino academician ang pag-aaral kung saan isasagawa sa National University of Singapore ang test ng VCO laban sa COVID-19.
“Mas maganda hintayin na lang natin ‘yung sa Singapore. At least, puwedeng i-validate lang natin pag tayo naman ang magsagawa ng testing. Makakatulong ‘yung kanilang mga initial results from Singapore,” ani Duque.
Nabatid na may mga pag-aaral na isinagawa na lumalabas na mukhang effective sa mga bacteria, at sa certain types of bacteria at viruses.
Gayunman sinabi ni Duque na hindi pa sila sigurado kung anong klase ng virus ang mapapagaling ng VCO.
- Latest